علا غانم تكشف مفاجأة صادمة عن زوجها بعد ابتزازها بفيديوهات (فيديو)

قالت الفنانة علا غانم: “المشاكل كلها مع زوجي حصلت من بعد كام شهر من الجواز، وبقى لي 6 سنين بحاول

أتطلق منه وما عرفتش وأغريته إني هديك نصف اللي معايا ويطلقني وننزل السفارة بس هو رافض وما

أعرفش”.
 

رغبة علا غانم من زوجها

وتابعت خلال لقائها ببرنامج “العرافة” الذي تقدمه بسمة وهبة بقناة “النهار”: “أنا علشان قلبي طيب كان

بيصعب عليَّ ما كنتش برضا أمشيه من الشركة بتاعتي لأنه كان بيقول لي طيب وأنا هروح فين، وكنت أتمنى

الطلاق ينتهي في منتهى الهدوء علشان يعرف يكمل حياته وأنا أشوف حياتي”.

اختلاس مبلغ كبير من شركة علا غانم

وأضافت علا غانم: “لما سافرت ورجعت مصر تفاجأت بإنه تم اختلاس مبلغ 450 ألف دولار من الشركة بتاعتي،

والمحامي بتاعي بيقول لي لو رجعتِ أمريكا مش هتعرفي تتطلقي أبدًا لإن قضية الطلاق بتاعتي كانت يوم 4

أكتوبر والقاضي عارف إني أنا موجودة ورفض القضية لإنه بقى له سنة بيقول تنزل من أمريكا علشان أطلقها

وأنا بقول شغلي ما أقدرش أسيبه، كنت رافعة خلع هنا في مصر واترفضت القضية، وأنا كنت مؤتمنة جوزي

على الفلوس اللي في الشركة بس للأسف هو مش قد الأمانة وحصل تلاعب علشان يصرف شيكات بمبلغ

الاختلاس دون معرفتي بس أنا بحاول أثبت حقي وهيرجع ليَّ المبلغ كاملًا”.

ولفتت علا غانم: “ابتزاز جوزي ليَّ بالصور حصل من أول نزولي مصر علشان عارف إن قضية الطلاق هيتم

النطق بيها، أنا ما كنتش أعرف بالفيديوهات والصور لغاية من 6 شهور والقناع البشع بدأ يسقط من 6 شهور

الشخصية الشريرة والحقيقية لجوزي ظهرت بقالها 6 شهور علشان اكتشف إني مش هرجع عن اللي في

رأيي ومصممة على الطلاق، فهو كان رد فعله إني هشوه صورتك وأفلسك وأخليكِ مش لاقية تاكلي وتترمي

في الشارع ودا اللي بيحصل فيَّ دلوقتِ، وبيبتزني بعد ما صورني في غرفة النوم”.