ريم ابوزيد تكتب “الصــراحه”

مشاهدة
أخر تحديث : الأحد 4 فبراير 2018 - 3:23 مساءً
ريم ابوزيد تكتب “الصــراحه”

في اوقات بتحاول تعصر دماغك علشان تصيغ جمله تعبّر عن حاجه بسيطه من مشاعرك اللي انت حاسس بيها بس فعلا مش بتلاقي ولا كلمة مناسبه يفضل عقلك رايح جاي وقلبك يدق عايز يتخلص من المشاعر اللي مأزماه وبرده مفيش فايده ،هو في كلام محدد عايز يقوله بس عايز يصيغه بشكل تاني ومش عارف 

هنا بقى مفيش الا مفر واحد ممكن اكون اكتشفته متأخر وممكن اكون لسه بكتشفه سامعاكم بتسألو ايه هو المفر ده .. هي كلمة ابيحه شويه بس لازم اقولها .. (الصـــــراحة)

ليه ما بنستخدمش الصراحه في حياتنا .. ليه لازم ندي الحاجات اسماء غير اساميها .. ليه لازم نقول كلام نلف وندور بيه علشان نوصل لمعلومه معينه في فرق بين انك بتبسّط افكارك علشان توصّل معلومه هنا بتشرح انت عايز تقول ايه وبين انك تكون صريح في جمله معينه

اتربينا اننا لازم ما نعبرش عن راينا بكل صراحه لان في حاجات كتير عيب ومينفعش تتقال وطبعا بما اننا بشر فبيكون في حياتنا شخصية كده بنقعد نتكلم معاها بقمة الاريحية وبقمة الصراحة بما تشمله من أباحه .. بجد ده اكتر وقت بتكون فيه نفسك بتخرج كل الكلام بدون تكليف بتقول كل اللي انت عايزه وبتتخيله من غير ما تفكر .. ليه ما يبقاش ده الواقع واللف والدوران هو التصرف الشاذ ليه احنا عايشين العكس دايما

كتير بسأل نفسي عن كمية التخبط المهوله اللي بتعرضلها في حياتي وفي الاخر بعد حرق طاقة وتفكير كتير بكتشف انها عدم الصراحة .. سواء في مشاعر او تصرف او شئ نفسي اعمله كلنا بنواجه المشاكل دي لاننا بشر مش الات والصدام بيحصل بين حد صريح وحد بيلف ويدور في نقطة معينة والمشكله ان هم الاثنين هدفهم واحد بس كل واحد عنده اسلوبه في توصيل المعلومة اللي بتوصل لنفس الهدف

بس الخلاصة ان احنا بشر يعني كتلة مشاعر وانفعالات لازم نعبر عنها حتى لو المشاعر دي غلط انت مش ملاك يعني تتقبل نفسك باخطاءك وعيوبك واكيد فيك مميزات صرح بكل اللي فيك من غير ما تتكسف عبر عن اللي جواك .. جرب مش هتخسر حاجه يكفيك شرف التجربه الحياه فعلا نسبيه جداا ومفيش مقياس لأي شئ في حياتك الا اللي بيهيئه عقلك

رابط مختصر Share

اتـرك تـعـلـيـق 1 تـعـلـيـقـات

* الإسم
* البريد الألكتروني
* حقل مطلوب

البريد الالكتروني لن يتم نشره في الموقع

شروط النشر:

عدم الإساءة للكاتب أو للأشخاص أو للمقدسات أو مهاجمة الأديان أو الذات الالهية. والابتعاد عن التحريض الطائفي والعنصري والشتائم.

ان كل ما يندرج ضمن تعليقات القرّاء لا يعبّر بأي شكل من الأشكال عن آراء اسرة شبكة صدي بورسعيد الإخبارية الالكترونية وهي تلزم بمضمونها كاتبها حصرياً.